केन्द्रीय संस्करण

गोल वर्षा गर्दै बार्सिलोना ला लिगाको दोस्रो स्थानमा

person explore access_timeअसोज २०, २०७६ chat_bubble_outline0

एजेन्सी । सेभियाविरुद्ध गोल वर्षा गर्दै साबिक विजेता बार्सिलोना स्पेनिस ला लिगाको दोस्रो स्थानमा उक्लिएको छ ।

बार्साले आफ्नो घरेलु मैदानमा ४–० को शानदार जीत हासिल गरेको हो ।

अर्नेस्टो भालभर्डेको टोलीले पहिलो हाफमा आठ मिनेटको अन्तरालमा तीन गोल गरेको थियो ।

लुइस सुवारेजले उत्कृष्ट ओभरहेड किकमार्फत बार्साको खाता खोलेपछि अर्टुरो भिडाल र ओसमान डेम्बेलेले एक–एक गोल थपे ।

दोस्रो हाफको अन्त्यतिर लियोनेल मेस्सीले फ्रिकिकमार्फत अर्को गोल गरे ।

खेलको अन्तरतिर बार्सिलोनाका दुई खेलाडीले रातो कार्ड पाएका थिए । २० वर्षीय रोनाल्ड आराउजु र डेम्बेलेले रातो कार्ड पाए ।

जीतसँगै आठ खेलबाट बार्सिलोनाको १६ अंक रहेको छ र शीर्ष स्थानमा रहेको रियल म्याड्रिडभन्दा मात्र २ अंकले पछि रहेको छ ।

उता, एथ्लेटिको म्याड्रिड भने रियल भालाडोलिडसँग गोलरहित बराबरीमा रोकिएको छ । चार लिग खेलमा एथ्लेटिको बराबरीमा रोकिएको यो तेस्रो अवसर हो ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नेहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.