केन्द्रीय संस्करण

युभेन्टसलाई कीर्तिमानी लगातार नवौँ लिग उपाधि

person explore access_timeसाउन १२, २०७७ chat_bubble_outline0

क्रिस्टियानो रोनाल्डोको लिगमा ३१ औँ गोल तथा फेडेरिको बर्नार्डेस्चीको दोस्रो हाफको गोलको मद्दतले साम्पडोरियालाई २–० गोलअन्तरले पराजित गर्दै लगातार नवौँ पटक इटालियन सिरिए ए को उपाधिमाथि कब्जा जमाउन सफल भएको छ ।

उपाधिका लागि मात्र तीन अंक आवश्यक रहेको युभेन्टले आफ्ना पछिल्लो  ५ खेलमध्ये मात्र १ मा जीत हासिल गरेको थियो । पहिलो हाफको इन्जुरी समयमा रानाल्डोले गोल गर्दै युभेलाई अग्रता दिलाए । लिग पुनः सुरुवात भएपछि उनको यो १० औँ गोल थियो । दोस्रो हाफमा बर्नार्डेस्चीले सन् २०१८ को सेप्टेम्बरपछिको पहिलो गोल गर्दै युभेको जीत सुनिश्चित गरे ।

खेलमा डानिलो, पाउलो डिबाला र म्याथियस डि लिट घाइते भए पनि रोनाल्डोले खेलको अन्त्यतिर पेनाल्टी मिस गर्दै क्लबको कीर्तिमान बराबरी गर्नबाट चुके । यो सिजन ३१ गोल गरेका रोनाल्डोले सन् १९३३–३५ सिजनमा फिलिस बोरेलले बनाएको ३२ गोलको कीर्तिमान बराबरी गर्न सकेनन् ।

अब युभेन्टसले काग्लियारी र रोमाको सामना गनेछ भने १२ दिनपछि च्याम्पियन्स लिगमा लियोनसँग भिड्नेछ ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.