केन्द्रीय संस्करण

पोखरा विश्वविद्यालयमा पदाधिकारी नियुक्तिको मागसहित १५ दिनदेखि अनशन जारी

person explore access_timeसाउन २२, २०७७ chat_bubble_outline0

लामो समयदेखि रिक्त पोखरा विश्वविद्यालयमा उपकुलपति र रजिष्ट्रार नियुक्तिको माग राख्दै नेपाल विद्यार्थी सङ्घले पोखरा विश्वविद्यालयमा गरेको रिले अनशन आज १५औँ दिनसम्म पनि जारी छ । दश महिनादेखि रिक्त पदमा तत्काल पदाधिकारी बहालको माग राख्दै रिले अनशन गरिएको भए पनि त्यसको कुनै सुनुवाइ हुन नसकेको विद्यार्थी नेता प्रताप बानियाँले बताए ।

विश्वविद्यालयमा पदाधिकारी नियुक्ति नगर्दा ४० हजार विद्यार्थीको भविष्य पनि अन्योलमा परेको उल्लेख गर्दै उनले जायज माग सहितको शान्तिपूर्ण आन्दोलनलाई बेवास्था गरिएको बताए । अनशनको लामो समयसम्म पनि मागको सुनुवाइ नभएको भन्दै विद्यार्थीले आज ब्यङ्गात्मक रुपमा कुलपति र सहकुलपतिको तस्बीरमा पुष्पार्पण गर्दै विरोध जनाएका छन् ।

पदाधिकारी नियुक्ति नहुँदा विश्वविद्यालयका शैक्षिक गतिविधि प्रभावित बनिरहेको अवस्थामा जायज माग विद्यार्थी अनशनमा रहेको र नेपाल विद्यार्थी सङ्घ केन्द्रीय समितिले पनि शिक्षामन्त्रीलाई यस विषयमा ध्यानाकर्षण गराइसकेको सङ्घका केन्द्रीय महामन्त्री दीपक भट्टराईले बताए । लामो समयसम्मको पदाधिकारी विहीन अवस्थामा सरकारले उदाशिनता देखाएको बताउँदै उहाँले तत्काल समस्याको समाधान गर्न सरकारको ध्यानाकर्षण गराए ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.