केन्द्रीय संस्करण

बेलायती सैनिकको ज्यान बचाउने कुकुरलाई उच्च सम्मान

person explore access_timeभदौ १३, २०७७ chat_bubble_outline0

बेलायतमा एक कुकुरलाई भिक्टोरिया क्रस सरहको उच्च सम्मान दिइने निर्णय भएको छ । अलकायदा विद्रोहीहरुसँग लडिरहेका बेलायती सैनिकलाई जोगाउने क्रममा यो कुकुर घाइते भएको थियो । 
२०१९ मा कम्पाउन्डमा भएको हमलाका दौरान यो कुकुरको पछाडिपट्टीका दुुबै खुुट्टामा गोली लागेको थियो । त्यसमध्ये एउटा खुुट्टा अहिले पनि चल्न सक्दैन । 

बेलायती सैनिकमाथि अलकायदाले आक्रमण गरेलगत्तै कुनो नामको सो कुकुरले एक विद्रोहीलाई लखेटेको थियो । त्यसपछि ती विद्रोहीले कुनोमाथि गोली हाने । यतिबेलासम्म बेलायती सैनिकहरुले पनि अलकायदालाई जवाफ फर्काएर आफ्नो मिशन पूरा गरिसकेका थिए । सुरक्षाको कारण देखाउँदै बेलायती रक्षा मन्त्रालयले अझै घटनास्थल भने सार्वजनिक गरिसकेको छैन । 

घटनापछि ह्यान्डलरले कुनोलाई तत्कालै उपचार गरेका थिए, त्यसपछि आरएएफ प्लेनमार्फत विशेष उपचारका लागि कुनोलाई बेलायत नै झिकाइयो । धेरैपटक कुनोको शल्यक्रिया गरियो अनि उसलाई कृतिम खट्टा समेत लगाइयो । हाइड्रोथेरापी, ट्रेडमिललगायत सेशनसहितको पुुनस्र्थापना कार्यक्रमपछि अहिले कुनो स्वस्थ भएको छ । उसले अहिले अवकाशको जीवन बिताइरहेको छ । 

कुनोलाई दिइएको पिडिएसए डिकिन मेडल जनावरलाई दिइएको सबैभन्दा प्रतिष्ठित सम्मान हो । यो मानिसलाई दिइने भिक्टोरिया क्रस बराबरको मेडल हो । अहिलेसम्म ३४ वटा कुकुुर, दोस्रो विश्वयुद्धमा सन्देशवहाकको काम गर्ने ३२ वटा परेवा, चार घोडा र एउटा बिरालोलाई यस्तो मेडल दिइएको छ । बेलायतका डिफेन्स सेक्रेटरी बेन वालेसले कुुनोको प्रशंशा गर्दै भनेका छन्, ‘कुनो बिना यो अपरेशनको कोर्स निकै फरक हुने थियो । अनि यो स्पष्ट छ कि उनले त्यस दिन बेलायती जवानहरुको ज्यान जोगाए ।’

पिडिएसएका महानिर्देशक जान म्याकलुुगलिनले कुनोलाई नायकको संज्ञा दिए । केही समयपछि कुनोलाई मेडल दिइनेछ । 
 

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.