केन्द्रीय संस्करण

वुल्भसको पुनरागमन रोक्दै सिटीको विजयी शुरुवात

person explore access_timeअसोज ६, २०७७ chat_bubble_outline0

दोस्रो हाफमा वुल्भ्सको पुनरागमन रोक्दै म्यान्चेस्टर सिटीले इङ्लिस प्रिमियर लिगको नयाँ सिजनमा विजयी शुरुवात गरेको छ । सिटीले वुल्भ्सलाई ३–१ गोलअन्तरले हरायो ।

खेलको पहिलो हाफमा सिटीले उत्कृष्ट प्रदर्शन गरेको थियो । केभिन डि ब्रुयनाले खेलको २० औँ मिनेटमा पेनाल्टीबाट गोल गर्दै सिटीलाई अग्रता दिलाए । फिल फोडेनले ३२ औँ मिनेटमा अग्रता दोब्बर बनाए ।

तर, दोस्रो हाफमा सिटी फितलो देखियो र खेलमा वुल्भ्स हावी भयो । गत सिजन २७ गोल गरेका राउल जिमिनेजले खेलको ७८ औँ मिनेटमा गोल गर्दै वुल्भ्सलाई खेलमा फर्काउने प्रयास गरे ।

तर, गत सिजन सिटीविरुद्ध २–० ले पछि परेको स्थिति उल्टाउँदै ३–२ को जीत हासिल गरेको वुल्भ्सले यो सिजन भने त्यसलाई दोहोर्याउन सकेन । खेलको इन्जुरी समयमा ग्याब्रियल जिसुसले गोल गर्दै सिटीको जीत सुनिश्चित गरे ।

यो सँगै सिटी प्रिमियर लिगको लगातार १० शुरुवाती खेल जित्ने पहिलो टोली बनेको छ ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.