केन्द्रीय संस्करण

कालोबजारी गर्ने जोसुकै भएपनि कारबाही हुन्छः मन्त्री भट्ट

person explore access_timeअसोज १५, २०७७ chat_bubble_outline0

काठमाडौं । उद्योग वाणिज्य तथा आपूर्तिमन्त्री लेखराज भट्टले बजार व्यवस्थापनकामा आफू कटिबद्ध रहेको बताएका छन् । बुधबार साझ सञ्चारकर्मीहरुसँग अन्तर्क्रियामा बोल्दै मन्त्री भट्टले आफ्नो १० महिने कार्यकालमा औद्योगिक सुधारसँगै वाणिज्य तथा आपूर्ति क्षेत्रमा उल्लेखनीय काम भएको दावी गरे । 

उपभोक्ता हित संरक्षणको सवालमा बजार व्यवस्थापन तथा सन्तुलनका लागि आफू स्वयम बजार अनुगमनमा निक्लने गरेको बताउँदै भट्ले अनुगमनका क्रममा कालोबजारी गर्ने तथा गलत गर्ने भेटिए जो कोहीलाई पनि कारबाही गर्ने बताए । 

यस्तो कारबाही पहुँच र शक्तिको आधारमा भेदभाव नगरी दोषीका आधारमा साना ठूला सबैलाई हुने मन्त्री भट्टले बताए ।
‘साहिल अग्रवाल जस्ता ठूला व्यवसायीमाथि सरकारले कारबाही चलाएको छ । कारबाहीको मामलामा साना ठूला भनिँदैन, कारबाही हुन्छ’ मन्त्री भट्टले भने, ‘बदमास गर्नेलाई यो वा त्यो बहानामा उन्मुक्ति दिइँदैन ।’

मन्त्री भट्का अनुसार गुणस्तरहीन वस्तु उत्पादन गरी उपभोक्ता ठग्ने तीन दर्जन बढी उत्पादक कम्पनीहरुलाई सरकारले कारबाही गरेको छ ।  

सोही कारबाहीको प्रक्रियामा नेपाल गुणस्तर तथा नापतौल विभागबाट भएको बजार अनुगमन तथा वस्तुको गुणस्तर परिक्षणका क्रममा अनियमितता भेटिएका २२ वटा वस्तुहरुको गुणस्तर प्रमाणपत्र खारेज गरेको र ४१ वटा उद्योग, व्यवसायी विरुद्ध जिल्ला अदालतमा मुद्दा दायर गरिएको भट्टले बताए ।
 

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.