केन्द्रीय संस्करण

रियल पराजित हुँदा हजार्ड पुनः घाइते

person explore access_timeमंसिर १४, २०७७ chat_bubble_outline0

 

साबिक विजेता रियल म्याड्रिड आफ्नै घरेलु मैदानमा आलाभेससँग पराजित भएको छ ।  शनिबार भएको खेलमा रियल १–२ गोलअन्तरले पराजित बनेको हो ।

खेलमा एडिन हजार्ड पुनः घाइते भएका छन् । यो सिजन लिगमा तेस्रो खेल, तथा सबै प्रतियोगितामा मात्र चौथो खेलमा शुरुवात गरेका हजार्ड खेलको २८ औँ मिनेटमा मैदान छाड्न बाध्य बनेका थिए ।

२९ वर्षीय बेल्जियन खेलाडी सन् २०१९ मा चेल्सीबाट करिब १५ लाख पाउन्डमा रियल आएका थिए । तर, उनले त्यसयता मात्र २७ खेल खेलेका छन् । सिजनको सुरुवात चोटका कारण गुमाएका उनले त्यसपछि कोरोना संक्रमणका कारण खेल गुमाएका थिए ।

खेलको पाँचौ मिनेटमा नै लुकास पेरेजले पेनाल्टीमार्फत आलोभसलाई अग्रता दिलएका थिए । त्यसपछि गोलकिपर थियाबट कोर्टवाको गल्तीको फाइदा उठाउँदै जोसेलुले अग्रता दोब्बर बनाए । खेलको अन्त्यतिर कासेमिरोले रियलका लागि सान्तवना गोल फर्काए ।

जिनेदिन जिदानको टोली पछिल्ला ती लिग खेलमा जीतविहीन रहेको छ । पराजयसँग रियल लिगको चौथो स्थानमा खस्किएको छ । लिगको शीर्ष स्थानमा रहेको रियल सोसिडाडभन्दा ६ अंकले पछि रहेको छ ।

अन्त्य खेलमा यो सिजन अपराजित रहेको एथ्लेटिको म्याड्रिडले भ्यालेन्सियालाई १–० ले हराउँदै शीर्ष स्थानमा सोसिडाडसँग अंक बराबरी गरेको छ । यद्यपि, एथ्लेटिकोले एक खेल कम खेलेको छ । त्यस्तै, सेभियाले हुएस्कालाई १–० गोलले हरायो ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.