कोभिड–१९ को खोप कोभिसिल्डको पहिलो खेप भारतको राजधानी नयाँ दिल्ली पुगेको छ । एयरइन्डिया, इन्डिगोसहित ९ एयरलाइनसबाट ५६.५ लाख डोज देशको अलग–अलग हिस्सामा पुणेको सीरम इन्सटिटयूटबाट पठाउने काम भइरहेको छ ।
केन्द्रीय नागरिक उड्डयन मन्त्री हरदीप सिंह पुरीले आज दिल्लीसहति चेन्नई, कोलकाता, गुवाहाटी, शिलोङ, अहमदाबाद, हैदराबाद, विजयवाडा, भुवनेश्वर, पटना, बैंग्लुरु लखनऊ र चन्डीगढमा खोप पुग्नेछ ।
पुणे विमानस्थलबाट देशका विभिन्न भागमा खोप पुर्याएपछि आगामी १६ जनवरीबाट खोप लगाउन सुरु गरिनेछ ।
पछिल्लो २४ घण्टामा भारतमा १२ हजारभन्द बढी संक्रमित फेला परेका छन् भने १६७ जनाले संक्रमणको कारण ज्यान गुमाएका छन् । भारतमा हालसम्म १ करोड ४ लाख ७९ हजार संक्रमित भइसकेका छन् ।
तपाईको ईमेल गोप्य राखिनेछ