केन्द्रीय संस्करण

फिल्मको कहानी सुनाउनका लागि शाहरुख खानको बंगला बाहिर निर्देशकले जमाए अड्डा

person explore access_timeपुस २८, २०७७ chat_bubble_outline0

किङ र बादशाह जस्ता नामले चर्चित बलिउड सुपरस्टार शाहरुख खान संसारभरीका थुप्रै प्रशंसक छन् । आफूलाई मनपर्ने स्टारको झलक पाउनका लागि प्रशंसक उनको घरबाहिर घण्टौं उभिने गर्छन् तर एक फिल्म निर्देशकले शाहरुख खानको बंगला मन्नत बाहिर डेरा नै जमाएका छन् । 

फिल्मफेयरको एक रिपोर्ट अनुसार शाहरुख खानलाई आफ्नो फिल्मको कहानी सुनाउनका लागि बेंगलुरुका एक फिल्म निर्देशक उनको बंगला मन्नत बाहिर बसिरहेका छन् । यी युवा फिल्म निर्माता सोसल मिडियामा नियमित रुपमा भिडियो र फोटोसहित यसबारे अपडेट दिइरहेका छन् । 

शाहरुख खानका थुप्रै प्रशंसकले सोसल मिडियामा फिल्म निर्देशकको पोस्ट सेयर गरिरहेका छन् ताकि उनी शाहरुखसम्म पुग्न सकून् र उनको फिल्म बनाउने सपना पूरा हुन सकोस् । युवा फिल्म निर्माता शाहरुखको प्रतिक्षा गर्दै समुद्र किनारामा आफ्नो समय बिताइरहेका छन् । 

कामको कुरा गर्नुपर्दा शाहरुख खान सिद्धार्थ आनन्दको फिल्म ‘पठान’ मा देखिनेछन् । यो फिल्ममा उनीसँग दीपिका पादुकोण, शाजी चौधरी, जोन अब्राहम र डिम्पल कपाडियाको भूमिका रहनेछ । यसबाहेक शाहरुख खान राजकुमार हिरानी, एटली कुमार र राज–डीकेको फिल्ममा पनि काम गर्नेछन् । 


 

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.