सेभियालाई हराउँदै एथ्लेटिको म्याड्रिडले स्पेनिस ला लिगाको शीर्ष स्थानमा चार अंकको अग्रता बनाएको छ । मंगलबार राति भएको खेलमा एथ्लेटिको २–० ले विजयी बनेको हो ।

एन्जेल कोरियाले पहिलो हाफमा गोल गर्दै डिएगो सिमिओनीको टोलीलाई अग्रता दिलाए भने दोस्रो हाफमा साउल निग्वेजले गोल गर्दै एथ्लेटिकोको जीत सुनिश्चित गरे ।

उता, फर्ममा रहेको सेभियाले सबै प्रतियोगितामा १० खेलमा पहिलोपटक हाल ब्यहोर्यो । हारसँगै सेभिया लिगको छैटौँ स्थानमा सिमित बनेको छ ।

१६ खेलपछि एथ्लेटिकोको ४१ अंक रहेको छ । दोस्रो स्थानमा रहेको रियल म्याड्रिडभन्दा दुई खेल कम खेलेको एथ्लेटिकोको चार अंकको अग्रता रहेको छ ।