ad
केन्द्रीय संस्करण

राजेन्द्र महतोले भने– चुनावमा जानु प्रतिगमन होइन

person explore access_timeमाघ ९, २०७७ chat_bubble_outline0
फाइल तस्विर

 

काठमाडौं । जनता समाजवादी पार्टी (जसपा) नेपालका वरिष्ठ नेता राजेन्द्र महतोले लोकतन्त्रमा चुनावबाट भाग्न नहुने बताएका छन् । सप्तरीमा प्रेस मञ्च नेपाल र प्रेस नेपालले शुक्रबार आयोजना गरेको पत्रकार सम्मेलनमा उनले प्रतिनिधिसभा विघटनबारे सर्वोच्च अदालतमा परेको रिटमा सुनुवाई भइरहेको र अदालतले गर्ने फैसला नै सबैलाई मान्य हुने बताएका हुन् ।

‘चुनाव लड्नु प्रतिगमन होइन, चुनावमा जानु प्रतिगमन होइन,’ उनले भने, ‘प्रतिनिधिसभा विघटनबारे मुद्दा विचाराधीन छ, सर्वोच्च अदालतले जे निर्णय गर्छ, त्यो हामीलाई स्वीकार्य छ ।’

सर्वोच्च अदालतको निर्णयपछि देशको राजनीतिक अवस्था कस्तो हुन्छ, त्यसअनुसार नै आफूहरुले उपयुक्त निर्णय लिने उनले बताए । नेपालमा संसद पुनःस्थापना र निर्वाचनमध्ये कुनै पनि स्थायी समाधान नरहेको हुनाले जसपा नेपालले जनमुक्ति आन्दोलन गर्ने उनको भनाइ छ । प्रधानमन्त्री केपी शर्मा ओलीले संसद विघटन गरेर देशमा प्रतिगमनको शुरुवात गरेका हुनाले उनको पतन निश्चित रहेको महतोले बताए ।

देशमा ६ वटा संविधान समाप्त भइसकेको र यो सातौं संविधानलाई पनि प्रधानमन्त्री ओलीले समाप्त गर्न लागेको बताउँदै उनले प्रधानमन्त्री ओली पतनतिर गइरहेको टिप्पणीसमेत गरे । त्यही कारण बेलाबेलामा राजेन्द्र महतो आफ्नो पार्टीमा आउन लागेको भ्रम फैलाउने गरेको पनि उनले बताए । यस्तो भ्रम फैलाएपछि केही समय बाँचिएला कि भन्ने भ्रममा प्रधानमन्त्री ओली रहेको उनको भनाइ छ ।

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.