ad

आर्यनको जमानतमाथि आज पुनः सुनुवाई, शाहरुखले चर्चित वकिललाई छोराको मुद्दा हेर्न लगाए

person explore access_timeअसोज २७, २०७८ chat_bubble_outline0

 


शाहरुख खानका छोरा आर्यन खानको जमानतको निवेदनमा आज मुम्बईकामे सेसन्स कोर्टमा सुनुवाई हुनेछ । क्रुज ड्रग्स पार्टी मामिलामा आर्यन १४ दिनको न्यायिक हिरासतमा छन्, उनलाई आर्थर रोड जेलमा राखिएको छ । शाहरुखले आर्यनका लागि मुम्बईका चर्चित वकिल अमित देसाईलाई नियुक्त गरेका छन् । उनी सतिश मानसिन्देसँग मिलेर यो केसको पैरवी गर्नेछन् । स्मरण रहोस्, देसाइले सन् २००२ मा सलमान खानलाई हिट एण्ड रन केसमा जमानत दिलाएका थिए ।



अर्कोतर्फ आर्यनलाई पक्राउ गर्ने नारकोटिक्स कन्ट्रोल ब्यूरो (एनसीबी) ले आज साढे ११ मा अदालतमा आफ्नो जवाफ पेश गर्नेछ । त्यसपछि आर्यनको जमानतमाथि सुनुवाई खाजा ब्रेकपछि अर्थात् दिउँसो करिब ३ बजेतिर हुनेछ । स्रमण रहोस्, यसअघि आर्यनको जमानतको निवेदन मेट्रोपोलिटन मजिस्ट्रेट कोर्ट अर्थात् किला कोर्टले खारेज गरिसकेको छ । क्रुज ड्रग्स पार्टी केसमा एनसीबीले आर्यनसमेत २० जनालाई पक्राउ गरेको छ । यसमा दुई विदेशी नागरिक पनि समावेश छन् ।



एनसीबीले जमानतको विरोध गर्नेछः



११ अक्टोबरमा भएको सुनुवाईको क्रममा एनसीबीले अदालतसमक्ष एक हप्ताको समय माग गरेको थियो । अदालतले एनसीबीलाई बुधबार अर्थात् आजसम्मको समय दिएको थियो । स्रोतका अनुसार एनसीबीले यो केसमा पक्राउ परेका केही अन्य आरोपीको अगाडि आर्यनलाई बसाएर सोधपुछ गर्नुपर्छ भन्दै आर्यनको जमानतको विरोध गर्नेछ ।



जेलमा आर्यनको छैटौं दिनः



एनसीबीले गोवा जाँदै गरेको कार्डिलिया क्रुजमा छापामारीपश्चात् ३ अक्टोबरमा आर्यनलाई पक्राउ गरेको थियो । अदालतले न्यायिक हिरासतमा पठाएपछि उनी ८ अक्टोबरदेखि आर्थर रोड जेलमा छन् । एनसीबीले आर्यनबाट कुनै ड्रग्स भेटेको थिएन तर आर्यनले सोधपुछमा शौखको रुपमा आफूले ड्रग्स लिने गरेको स्वीकारेका थिए । उनका साथी अरबाज मर्चेन्टले जुत्तामा चरेस लुकाएको कुरा पनि सार्वजनिक भएको थियो ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

नाम *:
इमेल *:
प्रतिक्रिया *:

This site is protected by reCAPTCHA and the Google Privacy Policy and Terms of Service apply.

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।