यो संविधान मान्दिनँ म

person explore access_timeअसोज ३, २०७९ chat_bubble_outline1

  जनतालाई न्याय नदिने 
तिम्रो संविधान जलाए हुन्छ  
कृष्ण र राधाको प्रेमलीला 
भनेर नथाक्ने समाजमा,
नवराज बिकहरु मारिइ रहँदा 
न्याय मार्ने, तिम्रो संविधान 
स्कुलको छाना चुहिरहँदा 
बेवास्ता गर्दै,
कुलायनको थान बनाउन बजेट पार्ने 
तिम्रो संविधान जलाए हुन्छ 
क्रान्ति र आन्दोलनको नाममा 
चन्दा उठाएर
आफै झ्वाम पार्नेहरु 
मेयर बनाउने तिम्रो संविधान
सक्षम र इमान्दारीहरूलाई पाखा लगाउँदै, 
ठेकेदार र दलालीहरूले मन्त्रालय चलाउने 
तिम्रो संविधान जलाए हुन्छ । 
जनतालाई न्याय नदिने 
संविधान जलाए हुन्छ।
समाज बदल्छु भन्नेहरू, 
आफै बदलिए आज
निष्ठाको राजनीति गर्नेहरू, 
स्वार्थमा रूमम्लिए आज
खै के दियो तिम्रो संविधानले ?
युवाको हातमा पासपोर्ट दियो,
अचेल गाउँ सुनसान छ
गरिबका झुपडीहरुमा रमाउने ऊ, 
खै कता हरायो, अचेल गुमनाम छ 
गाउँ नै रित्ताउने 
तिम्रो संविधान जलाए हुन्छ,
जनतालाई न्याय नदिने 
संविधान जलाए हुन्छ । 
गोरखा, हालः अमेरिका








कमेन्ट

  1. Sept. 22, 2022, 12:43 p.m. Som Narayan THANET
    good
  2.  0 Reply

कमेन्ट गर्नुहोस्

info_outline

तपाईको ईमेल गोप्य राखिनेछ

नाम *:
इमेल *:
प्रतिक्रिया *:

This site is protected by reCAPTCHA and the Google Privacy Policy and Terms of Service apply.

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।