केन्द्रीय संस्करण
संसद

उपचार खर्च लिनेमा पूर्वप्रधानमन्त्रीसम्म, ३ सय ५० रुपैयाँमा पनि सांसदको आँखा

सङ्घीय संसद् सुरु भएयता ५० सांसदले बुझे उपचार खर्च

person explore access_timeसाउन २७, २०७६ chat_bubble_outline2
शम्भु दंगाल

रातोपाटी

सङ्घीय संसद् सुरु भएयता प्रतिनिधि सभा र राष्ट्रिय सभाका ५० सांसदले संसद् सुविधा शाखाबाट असार मसान्तसम्म ८ लाख ६५ हजार २ सय ५२ रुपैयाँ उपचार खर्च बुझेका छन् । यसरी उपचार खर्च लिनेमा पूर्वप्रधानमन्त्रीसमेत रहेका नेकपा नेता माधवकुमार नेपालसम्म छन् । नेता नेपालको त्रिवि शिक्षण अस्पतालमा गरिएको उपचार खर्चबापत ३० हजार ५० रुपैयाँ गत जेठ ४ गते सङ्घीय संसद् सचिवालयले भुक्तानी गरेको हो ।

उपचार सुविधा लिने सांसदहरुमा सबैभन्दा धेरै १ लाख ११ हजार ४ सय ८३ रुपैयाँदेखि सबैभन्दा कम ३ सय ५० रुपैयाँसम्म उपचार खर्च बुझेका छन् । सबैभन्दा धेरै उपचार खर्च राष्ट्रियसभा सदस्य शान्तिकुमारी जिसीले १ लाख ११ हजार ४ सय ८३ रुपैयाँ बुझेकी छिन् । बागलुङकी सांसद जिसीले २०७५ माघ २५ गते ६३ हजार २ सय ६२ रुपैयाँ र २०७६ फागुन १० गते ४८ हजार २ सय २१ रुपैयाँ बुझेकी थिइन् ।

यस्तै सबैभन्दा कम उपचार खर्च सांसद रेनुकुमारी गुरुङलाई गत वैशाख १० गते ३ सय ५० रुपैयाँ उपचार खर्च भुक्तानी गरिएको छ । सांसदहरुले उपचारको बिल पेश गरेको आधारमा चिकित्सक बोर्डको निर्णय, महासचिव तथा सचिव स्तरीय स्वीकृतिका आधारमा रकम भुक्तानी गर्ने गरिएको सङ्घीय संसदले जनाएको छ ।

धेरै पटक उपचार खर्च लिनेमा प्रतिनिधि सभाका सांसद स्मृतिनारायण चौधरीले लिएका छन् । उनलाई गएको फागुन ९ गते ३ हजार ५ सय २० रुपैयाँ र ३ हजार ४ सय ५५ को उपचार बिल सदर गरिएको थियो भने गत माघ २५ गते १० हजार ५ सय ९० रुपैयाँ भुक्तानी गरिएको थियो । यस्तै गत फागुन ७ गते ३ हजार ५ सय ३० रुपैयाँ, वैशाख २५ गते १० हजार ४ सय ५६ रुपैयाँ, असार २ गते ५ सय रुपैयाँ र असार २४ गते ६ हजार ९ सय ८६ रुपैयाँ भुक्तानी गरिएको थियो ।


को सांसदले कति लिए उपचार खर्च ?

सङ्घीय संसद सचिवालले रातोपाटीलाई उपलब्ध गराएको विवरण अनुसार प्रतिनिधिसभाका सांसद स्मृतिनारायण चौधरीले ३२ हजार ५१ रुपैयाँ, राष्ट्रिय सभाका सांसद भैरव सुन्दर श्रेष्ठले २ हजार १ सय ५८ रुपैयाँ, प्रतिनिधि सभाका सांसद मानबहादुर विश्वकर्माले ६ हजार ८ सय ७३ रुपैयाँ, अगम वान्तवा राईले ४ हजार ९ सय ६६ रुपैयाँ, राष्ट्रिय सभाका सांसद शेरबहादुर कुँवरले ५ हजार १ सय २५ रुपैयाँ, युटोल तामाङले १६ सय ३२ रुपैयाँ, लिलानाथ श्रेष्ठले २ हजार ९९ रुपैयाँ उपचार खर्च बुझेका छन् ।

सांसदहरु रामलखन चमारले ४ हजार ८ सय १५ रुपैयाँ, रेखाकुमारी झाले २ हजार २ सय ३९ रुपैयाँ, शान्तिकुमारी अधिकारीले १ लाख ११ हजार ४ सय ८३ रुपैयाँ, राष्ट्रिय सभा सदस्य कमलाकुमारी ओलीले ५ सय ७७ रुपैयाँ, प्रतिनिधि सभा सदस्य आशा विकले १० हजार ४ सय १५ रुपैयाँ, राष्ट्रिय सभा सदस्य दीपा गुरुङले ८ हजार ३ सय १५ रुपैयाँ, एकबाल मियाँले ४ हजार ६ सय ३५ रुपैयाँ उपचार खर्च बुझेका छन् ।

यस्तै सांसद यज्ञबहादुर बोगटीले ११ हजार ४ सय ३१ रुपैयाँ, सानु सिवाले ७९ हजार १ सय ८० रुपैयाँ, ज्ञानकुमारी छन्त्यालले ४७ हजार ५ सय ५३ रुपैयाँ, रामचन्द्र राईले १४ हजार ६ सय ५२ रुपैयाँ, लक्ष्मणलाल कर्णले ३१ हजार ६ सय ५० रुपैयाँ, सांसद प्रमिला कुमारीले २ पटक गरी ४२ हजार ६ सय ५४ रुपैयाँ बुझेकी छिन् ।

नेकपाका प्रमुख सचेतक देवप्रसाद गुरुङले ५ हजार ८ सय उपचार खर्च बुझेका छन् भने अर्का सांसद यशोदा सुवेदी गुरुङले ९ हजार २ सय १४ रुपैयाँ बुझेकी छिन् ।

यता सार्वजनिक लेखा समितिका सभापति भरतकुमार शाहले २९ हजार ३ सय ४३ रुपैयाँ उपचार खर्च बुझेका छन् ।

यस्तै सांसद सरिताकुमारी गिरीले १० हजार ७१ रुपैयाँ, रेनुका गुरुङले ३ सय ५० रुपैयाँ, नवराज रावतले ५ हजार ९ सय ५५ रुपैयाँ, चन्द्रबहादुर खड्काले २१ हजार ६ सय ६४ रुपैयाँ, आशाकुमारी विकले २७ हजार ९ सय २३ रुपैयाँ, भवानीप्रसाद खापुङले ५ हजार ४ सय १४ रुपैयाँ, मीना पाण्डेले ३३ हजार ९ सय ७५ रुपैयाँ र सत्यनारायण शर्मा खनालले ६९ हजार ४१ रुपैयाँ उपचार खर्च लिएका छन् ।

यता पूर्वप्रधानमन्त्री समेत रहेका नेकपाका नेता एवं सांसद माधवकुमार नेपालले ३० हजार ५० रुपैयाँ उपचार खर्च बुझेका छन् । सांसद उमा रेग्मीले १८ हजार १ सय २३ रुपैयाँ, सुजाता परियारले १५ हजार ४ सय ८४ रुपैयाँ, रङ्गमती शाहीले ८ हजार ९ सय ५९ रुपैयाँ, वृषेशचन्द्र लालले १२ हजार २ सय ४८ रुपैयाँ उपचार खर्च बुझेका छन् ।

यस्तै सांसद मैनाकुमारी भण्डारीले ११ हजार ५ सय ३२ रुपैयाँ, दुलारीदेवी खत्वेनीले ३२ हजार ६ सय ८१ रुपैयाँ, दुर्गाकुमारी विकले ३ हजार ३ सय ७८ रुपैयाँ, नैनकला ओझाले ६ हजार ९ सय २५ रुपैयाँ, नारायणप्रसाद खतिवडाले २६ हजार २ सय ८२ रुपैयाँ, डिला सङ्ग्रौला पन्तले ३ हजार ८ सय ७० रुपैयाँ उपचार खर्च लिएका छन् ।

यता राष्ट्रिय जनता पार्टीका अध्यक्ष मण्डलका संयोजक अनिलकुमार झाले ८ हजार ४ सय ४३ रुपैयाँ, कलुदेवी विश्वकर्माले ६ हजार ४ सय ७० रुपैयाँ, सरिताकुमारी गिरीले ५ हजार ९१ रुपैयाँ, नन्दा चपार्इंले १० हजार १ सय ६६ रुपैयाँ, मिना बुढाले २ हजार रुपैयाँ, लिलानाथ श्रेष्ठले ४ हजार २ सय ६१ रुपैयाँ र पवित्रा निरौला खरेलले ७ हजार ५० रुपैयाँ उपचार खर्च लिएकी छिन् ।

सांसदहरुको उपचारका लागि सङ्घीय संसद् सचिवालयमा चिकित्सक सहितको स्वास्थ्य इकाई पनि सञ्चालनमा छ । उनीहरुले त्याहाँबाट निःशुल्क उपचार सेवासमेत लिने गरेका छन् ।

 

कमेन्ट

  1. Aug. 13, 2019, 10:55 a.m. Bidur Aryal
    साम्सद नारायण प्रशाद बिडारिले त औषधी उपचार खर्च लिएका रहेनछन त, अनी किन उहाको फोटो राखेको यो समाचारमा ?
  2.  0 Reply
  3. Aug. 12, 2019, 12:32 p.m. Bishwakarma, Hemant
    Dhanna thorai bhaye pani nepal sarkarle hamra pradhan mantri, mantri, neta tatha karyakarta harulai upachar kharcha upalabdha garaune gareko xa nikai ramro ra sahayopg ho natra bhane nyun talab tatha bhatta uapalabdha garayeko sarkarle k kasari hamra shradhya neta haru sa kusal rahana sakthe hola ra? balla hamra samsad tatha n netahaRULE TETI THORSAI RAKAM SEWA BAPAT PAUDAI AYEKA XAN TARA TINAI NETA HARUKO AKUT SAMPATTI DEKHDA YO PRASNA GARNA MAN LAGXA K KASARI SAMPATTI ARJAN GARXAN HOLA HAI?
  4.  0 Reply

कमेन्ट गर्नेहोस्

info_outline

तपाईको ईमेल गोप्य राखिनेछ

Loading comments...