प्लेयर टू वाच : फेडेरिको भालभर्डे, उरुग्वे

person explore access_timeमंसिर ८, २०७९ chat_bubble_outline0

पोजिसन : मिडफिल्डर
उमेर : २४ वर्ष


उरुग्वेका युवा खेलाडी फेडेरिको भालभर्डेलाई पछिल्लो पुस्ताको सबैभन्दा भर्सटाइल मिडफिल्डर मानिन्छ । मात्र २४ वर्षको उमेरमा नै उनले स्पेनिस महारथी रियल मड्रिड र राष्ट्रिय टोलीमा आफूलाई स्थापित गर्न सफल भएका छन् ।



एउटै खेलमा विभिन्न पोजिसनमा खेल्न सक्ने क्षमता राख्ने भालभर्डे मैदानमा उत्तिकै मिहिनेत गर्ने खेलाडीका रुपमा पनि परिचित छन् । उनले कुनै पनि टोलीको आक्रमणमा नयाँ आयाम दिने गर्दछन् । पछिल्लो मड्रिड डर्बीमा उनले आफ्नो बक्स टू बक्स क्षमता प्रदर्शन गर्दै २–१ को जीत हासिल गर्ने क्रममा गोलसमेत गरेका थिए ।



उनी सबै प्रशिक्षकले रुचाउने खेलाडी बनेका छन् । हाल उनी रियल मड्रिडमा तेस्रो स्ट्राइकर, चौथो मिडफिल्डर पाँचौ डिफेन्डरको भूमिकामा एकै पटक देखिन्छन् । उनको खेललाई पढ्न सक्ने र गोल गर्ने क्षमताको पनि तारिफ हुने गरेको छ । त्यसैले त उनका प्रशिक्षक कार्लो एन्चेलोटीले भनेका थिए, ‘मैले उनलाई भनेको छु, यदी तिमीले यो सिजन १० भन्दा बढी गोल गरेनौँ भने म मेरो प्रशिक्षकको ब्याच नै च्यातेर फालिदिन्छु ।’

उरुग्वेको राष्ट्रिय टोलीका लागि ४४ खेल खेल्दै उनले ४ गोल गरिसकेका छन् । उनी आफ्नो टोलीलाई विश्वकपको उपाधि दिलाउने लक्ष्यसहित कतार पुगेका छन् ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

नाम *:
इमेल *:
प्रतिक्रिया *:

This site is protected by reCAPTCHA and the Google Privacy Policy and Terms of Service apply.

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।