एक लाखसम्मको ‘स्टेक फ्री’ शुरुवाती लगानीका लागि आवेदन खुल्यो

person explore access_timeमंसिर ८, २०७९ chat_bubble_outline0

विद्यार्थीहरूको नेतृत्वमा सञ्चालित नेपालकै पहिलो स्टार्टअप इकोसिस्टम प्रवर्धक पार्थ स्टुडेन्ट भेन्चर (पीएसभी) ले पीएसभी ड्रिम फन्डको लागि आवेदन खुला गरेको छ । सुरुवाती अवस्थामा रहेका उद्यमीहरुका लागि प्रारम्भिक चरणमा १ लाख रूपैयाँसम्मको स्टेक फ्री लगानीका साथै परामर्श, सल्लाह तथा अन्य स्रोत साधन र थप लगानीका लागि लगानीकर्ताहरूमा पहुँच बढाउनका लागि यो सुनौलो अवसर हो ।


३० वर्षभन्दा कम उमेरका संस्थापक भएका कुनै पनि नयाँ स्टार्टअप वा व्यावसायिक योजनाले यस ड्रिम फन्डको लागि आवेदन दिन सक्नेछन् । आवेदकसँग यस कार्यक्रम अन्तर्गत प्राप्त हुने लगानीको उपयोगका सम्बन्धमा विस्तृत योजना हुनुपर्नेछ तथा अन्य योग्यता सम्बन्धी थप जानकारी पीएसभीको आधिकारिक वेबसाइटमा हेर्न सकिन्छ । आवेदन गर्ने अन्तिम मिति २०७९ साल मंसिर २९ गते रहेको छ ।



काठमाडौं मोडेल कलेजको कर्पोरेट सामाजिक उत्तरदायित्व अन्तर्गत विद्यार्थीबीचको प्रयोगात्मक र नवीनतम् पहललाई प्रोत्साहन गर्न र यस्ता परिवर्तकहरुको नयाँ समुदाय बनाउनका लागि गरेको अनुदान सहयोगबाट यो पीएसभी ड्रिम फन्ड स्थापना गरिएको हो ।



कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

नाम *:
इमेल *:
प्रतिक्रिया *:

This site is protected by reCAPTCHA and the Google Privacy Policy and Terms of Service apply.

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।